Niederdeutsch (Ollnborger Nedderdüütsch)
Nedderdüütsch studeern
in den Rahm van de B.A. un M.A.- Studiengangen Germanistik an de Carl von Ossietzky Universität Ollnborg / Swaarpunkt Nedderdüütsch mit Zertifikaat (B.A./M.A.)
Mit Begünn van dat Studienjahr 08/09 gifft dat an de Universität Ollnborg de Mögelkheid, binnen dat Studium van de Germanistik den „Swaarpunkt Nedderdüütsch“ to wählen.
In dat Zertifikaat Nedderdüütsch ward betüügt, dat een in besünner Wies in de Spraak– un Literatuurwetenschup van de Kuntrei of Region beslaan is. Dit Zertifikaat ward utgeven an de, de `t in de besöchte Seminaarveranstaltens un Spraakkursen all torechtkregen hebbt.
Wat all to `t Studium hört:
- dat Lehren van de nedderdüütsche Spraak in Kursen för Begünners un ok för de, de d`r al `n beten Künn van hebbt (dat ward för Studerenden van all Fachen anboden)
- Spraak - un Literatuurgeschicht
- Dialektologie un Varietätenlinguistik
- Spraak- un Literatuurdidaktik
- de rechte Schrievwies van de regionaale Spraak
- Upsetten van egen Texten
- Dialektliteratuur van vandagen
- Spraakpolitik in den Rahm van Europa
- Praktika an Scholen of an dat Staatstheater Ollnborg
Mitarbeiders:
Up de Sieden van de Mitarbeiderinnen un Mitarbeiders köönt Se nalesen, wo Se mit de Lüüd in Kontakt kamen köönt, de för den Swaarpunkt Nedderdüütsch instaht. Up de hör Sieden warrt Se wat over de tokamen un lopend Lehrveranstaltens van den Swaarpunkt Nedderdüütsch gewohr.
Zertifikaat Nedderdüütsch:
Hier finnt Se all dat, wat Se över dat Zertifikaat Nedderdüütsch weten mööt – dat Zertifikaat bito, dat sük de Studerenden van de Germanistik verdenen köönt.